एउटा पुलले फेरियो हजारौंको दैनिकी, छोट्टियो गन्तव्य

पूर्वाधार

गृहपृष्ठ
पूर्वाधार

एउटा पुलले फेरियो हजारौंको दैनिकी, छोट्टियो गन्तव्य

क्यापिटल नेपालशनिबार, वैशाख ६, २०८२

काठमाडौं। तनहुँको घिरिङ गाउँपालिका २ र ३ जोड्ने चिन्नेखोलामा झोलुङ्गे पुल निर्माण भएको छ। पुल नहुँदा यस भेगका जनताहरुले घुमाउरो बाटो हिँड्नुपर्ने बाध्यता थियो।

पुल निर्माणले यात्रा सहज भएको पुल निर्माण उपभोक्ता समितिका अध्यक्ष खिमबहादुर थापाले बताए। कुल ४५ लाख ६८ हजारको लागतको पुल निर्माणका लागि गैरसरकारी संस्था समन्वय समिति तनहुँले सामाजिक तथा प्राविधिक सहयोग गरेको थियो।

उक्त संस्थाका महासचिव राजेश्वर हड्खलेले पुल निर्माणका लागि गाउँपालिकाले पाँच लाख ९५ हजारसहित लागत साझेदारी गरेको जानकारी दिए।

त्यस्तै, स्थानीयवासीले ८९ हजार बराबरको श्रमदान गरेका थिए। सङ्घीय झोलुङ्गे पुल क्षेत्रगत कार्यक्रममार्फत ३८ लाख ६७ हजार विनियोजन भएको थियो। पुल निर्माणका लागि उपभोक्ता समितिसँग २०८१ वैशाख १६ गते सम्झौता भएको थियो।

विसं २०८१ कात्तिक १५ गतेबाट पुल निर्माण सुरु गरिएको र विसं २०८२ असार १५ गतेसम्म म्याद रहेकामा म्यादअगावै पुल निर्माणको काम सकिएको हड्खले बताए। पुल निर्माणपश्चात् एक सय १८ घरधुरीका नौ सय ५४ जना लाभान्वित भएका छन्।

प्रकाशित मिति: शनिबार, वैशाख ६, २०८२ १३:५६

प्रतिक्रिया दिनुहोस्