एनआइसी एसिया बैंकको नाफामा ९१.८१ प्रतिशत गिरावट, वितरणयोग्य नाफा ३ अर्ब ५६ कराेडले ऋणात्मक

बैंकिङ

गृहपृष्ठ
बैंकिङ

एनआइसी एसिया बैंकको नाफामा ९१.८१ प्रतिशत गिरावट, वितरणयोग्य नाफा ३ अर्ब ५६ कराेडले ऋणात्मक

क्यापिटल नेपालआइतबार, वैशाख ७, २०८२

काठमाडौं।चालु आर्थिक वर्षको तेस्रो त्रैमाससम्म आइपुग्दा एनआइसी एसिया बैंकको नाफासँगै प्रमुख सूचकहरु घटेका छन् । यसअवधिमा खुद नाफा ९१.८१ प्रतिशतले घटेर १५ करोड ६७ लाख ७५ हजार रुपैयाँमा सीमित भएको छ । अघिल्लो वर्षको यसैअवधिमा यस बैंकले १ अर्ब ९१ करोड ४८ लाख ९१ हजार रुपैयाँ खुद नाफा कमाएको थियो । खुद ब्याज आम्दानी र सञ्चालन नाफा घटेको तथा खराब कर्जा बढेको कारण यसको खुद नाफा प्रभावित भएको हो ।

खुद ब्याज आम्दानी २.७६ प्रतिशतले घटेर ७ अर्ब ९६ करोड २५ लाख १९ हजार रुपैयाँमा झरेको छ । त्यस्तै, सञ्चालन नाफा भने ६४.४० प्रतिशतले घटेर १ अर्ब २९ करोड ५ लाख ९ हजार रुपैयाँमा सीतिमत भएको छ । यता, वितरणयोग्य नाफा भने ३ अर्ब ५६ करोड ९२ लाख रुपैयाँ ऋणात्मक छ । चैत मसान्तसम्म आइपुग्दा खराब कर्जा भने ०.१६ प्रतिशतले बढेर १.९२ प्रतिशत पुगेको छ । प्रतिसेयर आम्दानी १ रुपैयाँ ४१ पैसा र प्रतिसेयर नेटवर्थ १९९ रुपैयाँ ३० पैसा छ । आइओई ०.७१ प्रतिशत छ ।

प्रकाशित मिति: आइतबार, वैशाख ७, २०८२ ०६:३८

प्रतिक्रिया दिनुहोस्