काठमाडौं- पछिल्लो २४ घण्टामा नेपालमा १ हजार ८७५ जनामा कोरोना पुष्टि भएको छ। १० हजार ६६ जनाको कोरोना परीक्षण गरिएकोमा उक्त संख्यामा कोरोना पुष्टि भएको हो।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार ८५८ जनाको पीसीआर र ३ हजार २०८ जनाको एन्टिजेन परीक्षण गरिएको थियो।
यस्तै पछिल्लो २४ घण्टामा २ हजार १६४ जना कोरोनामुक्त भएका छन्।
मन्त्रालयको तथ्यांकअनुसार आज कोरोना संक्रमणबाट २१ जनाको मृत्यु भएको छ।