दैनिक कोभिड अपडेटः संक्रमणमुक्त हुनेभन्दा थपिने ४४ जना बढी

काठमाडौं– पछिल्लो २४ घण्टामा देशभर ११ सय ५७ जना कोरोना संक्रमित थपिएका छन् भने ८ जना संक्रमितको मृत्यु भएको छ।

सोही अवधिमा ११ सय १३ जना संक्रमित संक्रमणमुक्त भएका छन्। संक्रमणमुक्त हुनेभन्दा थपिएका संक्रमितको संख्या ४४ जनाले बढी छ। 

१४ हजार ५४१ जनाको परीक्षण गर्दा ११ सय ५७ जनामा संक्रमण पुष्टि भएको हो। आजको दिनमा सक्रिय संक्रमितको संख्या १८ हजार १९३ छ। 

त्यसैगरी पछिल्लो २४ घण्टामा २ लाख ८६ हजार १४५ जनाले कोभिडविरुद्धको खोप लगाएका छन्।