खड्कप्रसादको कुम्भमेला निभ्ने बेलाको बत्ती हो : बाबुराम भट्टराई

काठमाडौं- जनता समाजवादी पार्टी (जसपा)का संघीय परिषद् अध्यक्ष बाबुराम भट्टराईले नेकपा एमालेको जारी विधान महाधिवेशनलाई केपी ओलीको निभ्ने बेलाको बत्तीको संज्ञा दिएका छन्।

उनले सामाजिक सञ्जालमा लेखेका छन्, 'खड्गप्रसादको कुम्भमेला निभ्ने बेलाको बत्ती हो। लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठूलो मूल्य चुकाउनुपर्नेछ। नक्कली राष्ट्रवाद, नृजातीय अहंकारवाद, पपुलिज्म र व्यक्तिपूजाको ककटेलले अन्त: स्टालिन, हिटलर र फाँसीवाद जन्माउने हो। चेतना भया!'

ललितपुरको गोदावरीस्थित सनराइज सम्मेलन केन्द्रमा शुक्रबारदेखि सुरु भएको प्रथम विधान महाधिवेशनमा तीन दिनसम्म चल्ने छ। महाधिवेशनमा आज समूहगत छलफल भइरहेको छ। भोलि तेस्रो दिन प्रतिवेदनमाथि उठेका प्रश्नहरूको जवाफसहित महाधिवेशन समापन हुनेछ। 

एमालेको विधान महाधिवेशनमा ६ हजार ३ सय ४७ प्रतिनिधिहरू सहभागी छन्।

खड्गप्रसादको कुम्भमेला निभ्ने बेलाको बत्ती हो। लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठुलो मूल्य चुकाउनुपर्नेछ।नक्कली राष्ट्रवाद,नृजातीय अहंकारवाद,पपुलिज्म र व्यक्तिपूजाको ककटेलले अन्त: स्टालिन,हिटलर र फासीवाद जन्माउने हो।चेतना भया! pic.twitter.com/B8SzzMuaIK

— Baburam Bhattarai (@brb1954) October 2, 2021