मनै लोभ्याउने लोमान्थाङ [तस्बिरमा]

मुस्ताङ– लोमान्थाङ मुस्ताङको उत्तरी भागमा पर्ने विशेष संरक्षण क्षेत्र हो। असोज लागेपछि यहाँ आन्तरिक पर्यटकको आगमन ह्वात्तै बढेको छ। होटेलमा अग्रिम बुकिङ हुन थालेका छन्।

पछिल्ला दिन घाँसादेखि लोमान्थाङसम्मका होटल पर्यटकले भरिभराउ हुन थालेका छन्। वरिपरि उभिएका पहाड सुन्दर कालीगढी रचनाजस्ता लाग्छन्। हिमाली सभ्यता, संस्कृति र सम्पदाको ऐतिहासिक थलो मानिने लोमान्थाङमा तिब्बती र रैथाने थकाली समुदायको बसोबास छ। लोमान्थाङ माटोको गाउँ (मड सिटी) का रूपमा पनि चिनिन्छ। यहाँका घर, दरबार, गुम्बा, मन्दिर माटोले बनेका छन्।