यस्तो देखियो रामशाहपथ-बालुवाटार मार्चपास [तस्बिरहरू]

काठमाडौं– नेपाल बार एसोसिएसनको अगुवाइमा विभिन्न संघसंस्थाहरुले संयुक्त रुपमा रामशाहपथदेखि बालुवाटारसम्म मार्चपास गरेका छन्।

प्रधानन्यायाधीश चोलेन्द्र शमशेर जबराको राजीनामालगायत न्यायालय सुधारका विभिन्न माग राखेर आन्दोलित बारले मार्चपास आयोजना गरेको हो। 

बारले प्रधानन्यायाधीश जबरालाई महाअभियोग लगाउन माग गर्दै आएको छ। मार्चपासमा बृहत् नागरिक आन्‍दोलनसहित विभिन्न पेशागत संघसंस्थाहरुको सहभागिता थियो। उनीहरुले सम्पूर्ण न्यायप्रेमी जनता एक हौं, प्रधानन्यायाधीश जबरा राजीनामा देउलगायत नारा लगाएका थिए।