दुर्घटनामा बैंक शाखा प्रमुखको मृत्यु

बुटवल- कपिलवस्तुमा गएराती सवारी दुर्घटना हुँदा बैंकका शाखा प्रमुखको मृत्यु भएको छ। पूर्व-पश्चिम राजमार्ग अन्तर्गत कपिलवस्तुको बाणगंगा नगरपालिका वडा नं. ४ दरखास्तमा सवारी दुर्घटना हुँदा बाणगंगा नगरपालिका १ पिपराका अनुराग पाण्डेको मृत्यु भएको हो। 

बा६च ११६४ नम्बरको कारलाई गएराती सुरुमा ट्रकले ठक्कर दिएको प्रहरीले जनाएको छ। कार ठोक्किएर घाइते भएका पाण्डेको उपचारका लागि बुटवल लैजादै गर्दा बाटोमै मृत्यु भएको प्रहरीले जनाएको छ। पाण्डे साइन रेसुंगा बैकं जितपुर शाखाका प्रमुख हुन्। 

कारमा सवार घाइते अन्य २ जना सुदीप खनाल र राजेश शर्माको अवस्था पनि गम्भीर रहेको कपिलवस्तु प्रहरीले जनाएको छ।  घाइते दुवैको बुटवलमा उपचार भइरहेको छ।