अक्षरारम्भ गर्दै बालबालिका [फोटो फिचर]

काठमाडौं- प्रत्येक वर्ष माघ शुल्क पञ्चमीको दिन सरस्वती पूजा विधिपूर्वक मनाइन्छ। यस अवसरमा विशेष गरी विद्यार्थी, लेखक, कवि, पत्रकार, कलाकारलगायतले सरस्वती, किताब, कपी, कलम, बाध्ययन्त्रलगायत साधनको पूजा गर्छन्।

विद्यालयमा विशेष रुपमा सरस्वतीको पूजा गर्ने गरेको यसवर्ष कोरोनाका कारण विद्यालय बन्द रहेकाले घरघरमा नै विद्यार्थीले सरस्वतीको पूजा आराधाना गर्दै छन्। 

यस अवसरमा लाजिम्पाटको निल सरस्वती, स्वयम्भूको सरस्वती मन्दिर, ललितपुरको लेलेस्थित सरस्वती कुण्ड एवं देशभरका सरस्वती मन्दिरमा पूजा गर्ने भक्तजनको भीड लाग्छ। 

बालबालिकाले  आज भित्ता तथा कालो पाटीमा लेखेर अक्षरारम्भ गर्ने गर्छन्। विध्यार्थीले स्वयम्भूका भित्ताभरि अङ्ग्रेजी र नेपाली अक्षर लेखिरहेका छन्। 

ससाना बालबालिकाका अभिभावक हात समातेर उनीहरूलाई अक्षरसँग परिचित गराइरहेका छन्।