गण्डकीका आठ पालिकाको परिणाम आउँदा एमाले पहिलो स्थानमा

काठमाडौं– शुक्रबार भएको स्थानीय निर्वाचन अन्तर्गत हालसम्म गण्डकी प्रदेशका आठ वटा पालिकाको नतिजा सार्वजनिक भएको छ। मनाङका सबै पालिकाको र मुस्ताङका चार पालिकाको गणना सकिएको छ। 

गण्डकीमा हालसम्म एमालेले पाँच वटा पालिकामा जित हात पारेर पहिलो स्थानमा छ। कांग्रेसले भने तीन पालिका जितेको छ। अरु पार्टीले यहाँ जितेका छैनन् अहिलेसम्म। एमालेले मनाङको चामे र ङिस्याङ, मुस्ताङको लोघेकर दामोदर कुण्ड, लोमान्थाङ र वारागुङ मुक्तिक्षेत्र गाउँपालिकामा अध्यक्ष जितेको छ।

कांग्रेसले मनाङको नासोँ, नार्पाभूमि र मुस्ताङको घरपझोङ गाउँपालिकामा अध्यक्ष जितेको छ। लोमान्थाङ र वारागुङ मुक्तिक्षेत्रमा यसअघि कांग्रेसले जितेको थियो। यसअघि एमालेले जितेको घरपझोङमा भने कांग्रेस विजयी भएको छ।