आइतबार, जेठ ५, २०८२

गण्डकीमा सांसदको सपथ कहिले?

गण्डकीमा सांसदको सपथ ग्रहणबारे कुनै प्रक्रिया नै सुरु भएको छैन। संघीय संसदको सपथ पछि मात्रै प्रदेशमा तयारी हुने बताइएको छ।
 |  सोमबार, पुस ४, २०७९

नेपाल समय

नेपाल समय

सोमबार, पुस ४, २०७९

पोखरा- प्रतिनिधिसभा सदस्यको शपथ सात गते गराउने तयारी छ। संविधान अनुसार निर्वाचनको अन्तिम परिणाम सार्वजनिक भएको २० दिनभित्र प्रदेश सभाको पहिलो बैठक आह्वान गर्नुपर्ने प्रावधान छ। निर्वाचन आयोगले मंसिर २८ गते अन्तिम नतिजा सार्वजनिक गरेको छ। पुस १८ भित्रै पहिलो संसद बैठक बस्नुपर्छ। त्यसअघि नै सपथ गराउनुपर्ने व्यवस्था छ। 

तर गण्डकीमा सांसदको सपथ ग्रहणबारे कुनै प्रक्रिया नै सुरु भएको छैन। संघीय संसदको सपथ पछि मात्रै प्रदेशमा तयारी हुने बताइएको छ। प्रदेश प्रमुखको कार्यालयका कर्मचारीका अनुसार प्रदेश प्रमुख केन्द्रसँग निरन्तर छलफलमा छन्। ‘उहाँले छलफल गरिरहनु भएको छ। माथीको सपथ सकिएपछि प्रदेशमा गर्ने कुरा छ,’ एक कर्मचारीले भने, ‘माथीबाट सबै प्रदेशमा एकै पटक सपथ गराउने कुरा सुनिएको छ। सम्भवतः ११ गतेतिर हुन सक्छ।’

प्रदेशको आफ्नै संरचना भए पनि सपथ समेत केन्द्रको आग्रह अनुसार गराउनुपर्ने अवस्था छ। त्यसपछि सरकार गठन पनि केन्द्रिय नेतृत्वको हातमा निहित छ। ६० सांसदमध्ये प्रदेश प्रमुखले जेष्ठ सांसदलाई सपथ गराउने र उनले अरु सांसदलाई सपथ गराउने व्यवस्था छ। गण्डकीमा निर्वाचित ३६ र समानुपातिक २४ सांसद मध्ये पर्वत (ख) बाट निर्वाचित भएका मित्रलाल बस्याल सबैभन्दा जेष्ठ सांसद हुन्। उनी ६५ वर्षका छन्। प्रदेश प्रमुख पृथ्वीमान गुरुङले सबैभन्दा पहिले बस्याललाई सपथ गराउने छन्। त्यसपछि बस्यालले ५९ सांसदलाई सपथ खुवाउछन्। 

शनिबार गण्डकीमा निर्वाचित सबै सांसदको सूची सहित निर्वाचनको अन्तिम प्रतिवेदन निर्वाचन आयोगले प्रदेश प्रमुखलाई बुझाएको छ। आयुक्त इश्वरी प्रसाद पौडेलले प्रतिवेदन बुझाएका हुन्। पहिलो बैठक बसेपछि सभामुख र उपसभामुखको निर्वाचन प्रक्रिया सुरु हुन्छ भने सरकार गठनको बाटो पनि खुल्छ। 


प्रकाशित: Dec 19, 2022| 19:20 सोमबार, पुस ४, २०७९
प्रतिक्रिया दिनुहोस्

थप समाचार

कोसी प्रदेशमा आज सार्वजनिक बिदा

कोसी प्रदेशमा आज सार्वजनिक बिदा

देश–१ को नाम कोसी कायम भएपछि उक्त प्रदेशमा आज सार्वजनिक बिदा दिइने भएको छ।
प्रदेश १ को नाम कोशी राख्न एमालेद्वारा प्रस्ताव दर्ता

प्रदेश १ को नाम कोशी राख्न एमालेद्वारा प्रस्ताव दर्ता

प्रदेश १ को नाम कोशी राख्नका लागि सत्तारुढ नेकपा एमालेले प्रदेशसभामा प्रस्ताव दर्ता गरेको छ। 
प्रदेश १ ले आज नाम पाउँदै, कोशी हुने सम्भावना

प्रदेश १ ले आज नाम पाउँदै, कोशी हुने सम्भावना

प्रदेश १ ले बुधबार नाम पाउने भएको छ। आज बस्ने प्रदेशसभा बैठकमा नामकरण सम्बन्धि प्रस्ताव पेश हुने कार्यसूची रहेको हो। 
बागमतीबाट पनि बाहिरियो राप्रपा

बागमतीबाट पनि बाहिरियो राप्रपा

हिजोमात्रै राप्रपाले प्रचण्ड सरकारबाट बाहिरिँदै समर्थन पनि फिर्ता लिएको थियो।
म्याग्दीका असला: पारखीलाई पुर्‍याउनै मुस्किल

म्याग्दीका असला: पारखीलाई पुर्‍याउनै मुस्किल

प्राकृतिक चिकित्सालयका रूपमा परिचित तातोपानी बजार पछिल्लो समय म्याग्दी नदीको चिसो पानीमा हुर्किएका असला माछाको पारखीहरूका लागि गन्तव्यको रूपमा विकास भएको हो।