सहिद स्मारक पुगेर श्रद्धाञ्जली अर्पण गर्दै प्रधानमन्त्री प्रचण्ड [तस्बिरहरू]

काठमाडौं- विभिन्न कार्यक्रम गरेर आज सहिद दिवस मनाइँदै छ। प्रत्येक वर्ष माघ १६ गते मनाइने शहीद दिवस यस वर्ष पनि सहिदहरूप्रति श्रद्धाञ्जली व्यक्त गरेर मनाइँदैछ।

प्रजातन्त्र स्थापना तथा विभिन्न कालखण्डमा स्वतन्त्रताका लागि जीवन आहुति दिने सहिदको सम्झनामा विविध कार्यक्रम गरी आज देशभर सहिद दिवस मनाउन लागिएको हो।

माघ १० देखि १६ गतेसम्म विभिन्न कार्यक्रमका साथ सहिद सप्ताह मनाउने घोषणा गरी विविध कार्यक्रम हुँदै आएको छ।

सहिद दिवसको अवसरमा लैनचौरस्थित सहिद स्मारक पुगेर प्रधानमन्त्री पुप्पकमल दाहाल प्रचण्डले पुष्पगुछा तथा  सम्मान अर्पन गरेका छन्।