आइडिया स्टुडियो नेपाललाई प्रबल जनसेवाश्री पदक

मुख्य समाचार

गृहपृष्ठ
मुख्य समाचार

आइडिया स्टुडियो नेपाललाई प्रबल जनसेवाश्री पदक

क्यापिटल नेपालआइतबार, असोज ३, २०७८

काठमाडौं । सोचदेखि उद्योगसम्मको नारा सहित सञ्चालनमा रहेको आइडिया स्टुडियो नेपार्ल जनसेवाश्री पदकबाट सम्मानित हुने भएको छ ।

संविधान दिवस २०७८ को अवसरमा आइडिया स्टुडियोलाई मन्त्रिपरिषद्को सिफारिसमा राष्ट्रपति विद्यादेवी भण्डारीले प्रबल जनसेवाश्री पदकबाट विभूषित गर्ने घोषणा गरेकी हुन् ।

विगत सात वर्षदेखि स्टार्टअप व्यवसाय गर्न चाहनेहरूको पथप्रदर्शक बन्दै आएको आइडिया स्टुडियो नेपालले टेलिभिजन कार्यक्रम सञ्चालन गर्दै आएको छ । सरकारले नवप्रर्वतनमा मुख्य भूमिका निभाएको भन्दै जनसेवाश्री पदकका लागि छनोट गरेको हो ।

विशेषगरी कृषि, वातावरण र इनोभेसनलाई प्राथमिकतामा राख्दै स्टुडियोले नयाँ योजना लिएर आउनेलाई व्यावसायिक सहयोग उपलब्ध गराउँदै आएको छ ।हाल आइडिया स्टुडियो सिजन ५ प्रसारण भैरहेको छ ।

स्टुडियोले सिजन ५ सम्म ४० भन्दा धेरै व्यावसायिक सोच भएकालाई उद्यमीको रूपमा समाजमा स्थापित गरिसकेको छ भने व्यावसायिक योजना लिएर आउने सयौँलाई प्रशिक्षणसमेत दिइसकेको छ ।

हाल एपीवान टेलिभिजनबाट सो कार्यक्रम प्रसारण भइरहेको छ ।

प्रकाशित मिति: आइतबार, असोज ३, २०७८ १७:५२

प्रतिक्रिया दिनुहोस्