माग धान्न नसक्ने अवस्थामा पुगेको भन्दै निगमले गर्यो सरकारलाई जोरबिजोर लागू गर्ने प्रस्ताव

मुख्य समाचार

गृहपृष्ठ
मुख्य समाचार

माग धान्न नसक्ने अवस्थामा पुगेको भन्दै निगमले गर्यो सरकारलाई जोरबिजोर लागू गर्ने प्रस्ताव

क्यापिटल नेपालमंगलबार, चैत १५, २०७८

काठमाडौं । नेपाल आयल निगमले माग धान्न नसक्ने अवस्थामा पुगेको भन्दै सरकारलाई जोरबिजोर प्रर्णाली लागू गर्न प्रस्ताव गरेको छ ।

लागत मूल्यभन्दा निकै कममा बेच्नुपर्दा १५ दिनमै साढे ४ अर्बभन्दा बढी घाटा भएको भन्दै निगमले पेट्रोलियम पदार्थको खपत कम गर्न सरकारलाई १० बुँदे प्रस्ताव पेस गरेको हो ।

निगमले हाल पेट्रोलमा प्रतिलिटर २८ रुपैयाँ, डिजेलमा ३२, मट्टितेलमा २४, हवाई इन्धनमा आन्तरिकतर्फ १७ र बाह्यतर्फ ६७ रुपैयाँ र एलपी ग्यासमा प्रतिसिलिण्डर ६६५ रुपैयाँ घाटा भएको बताएको छ ।

निगमले पेस गरेको प्रस्तावमा सवारीसाधनमा जोरबिजोर प्रणाली लागू गर्न हप्तामा २ दिन बिदा दिनुपर्ने, एलपी ग्यासमा २ सय रुपैयाँ कर कम गर्न र पट्रोलमा १५ रुपैयाँ कर घटाउनुपर्ने प्रस्ताव गरेको छ ।

हाल मासिक ७० हजार किलोलिटर पेट्रोल १ लाख ८० हजार किलोलिटर डिजेल र एलपी ग्यास ५० हजार टन आयात हुने गरेको छ ।

प्रकाशित मिति: मंगलबार, चैत १५, २०७८ १४:०२

प्रतिक्रिया दिनुहोस्