टेलिकमको फोरजी ग्राहक संख्या १ करोड नाघ्यो, थ्रीजीका ग्राहक ९४ लाख ८२ हजार

मुख्य समाचार

गृहपृष्ठ
मुख्य समाचार

टेलिकमको फोरजी ग्राहक संख्या १ करोड नाघ्यो, थ्रीजीका ग्राहक ९४ लाख ८२ हजार

क्यापिटल नेपालआइतबार, जेठ ८, २०७९

काठमाडाैं । नेपाल टेलिकमको फोरजी सेवाका ग्राहक संख्या १ करोड नाघेको छ । चैत महिनाको विवरणअनुसार फोरजी ग्राहक आधार १ करोड ४ लाख २१ हजार ९ सय ७६ पुगेको टेलिकमले जारी गरेको विज्ञप्तिमा उल्लेख छ । यस अवधिमा कम्पनीका थ्रीजी ग्राहक आधार ९४ लाख ८२ हजार ५८० रहेको छ ।

समग्रमा कम्पनीका मोबाइल सेवा प्रयोगकर्ता २ करोड २० लाख ९१ हजार ७ सय ८५ भएकोमा बाँकी २१ लाख ८७ हजार २ सय २९ टुजी प्रविधिका ग्राहक गरेको प्रवक्ता शोभन अधिकारीले जारी गरेको विज्ञप्तिमा उल्लेख छ । अघिल्लो महिना अर्थात् २०७८ फागुनमा फोरजी ग्राहक आधार ९८ लाख ९३ हजार ८ सय ७४ र थ्रीजी ग्राहक आधार ९९ लाख ४३ हजार ७ सय २९ रहेका थिए।

नेपाल टेलिकमले नेपालमा नै पहिलो पटक २०७३ पुस १७ गतेबाट काठमाडौं र पोखराबाट सुरु गरेको फोरजी तथा एलटीई सेवालाई २०७६ असोज १५ गतेदेखि अत्याधुनिक प्रविधिमा अपग्रेड गरी देशभर विस्तार गरिरहेको जनाएको छ ।

फोरजी सेवा प्रयोग गर्नका लागि उपयुक्त मोबाइल फोन सेटका साथै सिम कार्ड पनि सेवा चल्ने हुनुपर्छ भने फोरजी नेटवर्क उपलब्ध भएको क्षेत्रमा पनि हुनु जरुरी हुन्छ ।

प्रकाशित मिति: आइतबार, जेठ ८, २०७९ १३:२७

प्रतिक्रिया दिनुहोस्