नक्कली बिल बनाएर नक्कली गरगहना बिक्री गर्ने गिरोह सक्रिय, सजक रहन आग्रह

मुख्य समाचार

गृहपृष्ठ
मुख्य समाचार

नक्कली बिल बनाएर नक्कली गरगहना बिक्री गर्ने गिरोह सक्रिय, सजक रहन आग्रह

क्यापिटल नेपालबिहीबार, साउन २६, २०७९

काठमाडौं । नक्कली बिल बनाएर नक्कली गरगहना बिक्री गर्ने गिरोह काठमाडौं उपत्यकालगायत देशका विभिन्न सहरमा सक्रिय भएको पाइएको छ । उनीहरुले नक्कली पसलको नाम राखी ठगी गर्ने गरेको समेत पाइएको नेपाल सुनचाँदी व्यवसायी महासंघका कार्यवाहक अध्यक्ष मोहन काजी शाक्यले बताए ।

उनका अनुसार यस्तो गिरोहले नक्कली पसल खडागरी त्यसैको नाममा बिलसमेत बनाएर नक्कली गरगहनालाई सक्कली भन्दै बिक्री वितरण गर्ने गरेको पाइएको हो ।

यसै सिलसिलामा ललितपुर सुनचाँदी व्यवसायी संघको एक प्रतिनिधिमण्डलले बुधबार महासंघमा सो विषयमा जानकारी गराउँदै यस्ता गविविधिबाट सतर्क रहन सम्पूर्ण सुनचाँदी व्यवसायी तथा उपभोक्तालाई जानकारी गराउन आग्रह गरेको छ ।

नेपाल सुनचाँदी व्यवसायी महासंघका महासचिव धर्मसुन्दर बज्राचार्यले अवैध धन्दामा सक्रिय गिरोहका बारेमा महासंघमा जानकारी आएको बताउँदै यस्तो गिरोहबाट जोगिन आमव्यवसायी तथा उपभोक्ताहरुलाई आग्रह गरेका छन् ।

पछिल्लो समय यसरी नक्कली बिललगायतका कागजात बनाई नक्कली सुनको कारोबार गर्ने गिरोह सक्रिय छ । यस्तो गिरोहले ललितपुर सुनचाँदी व्यवसायी संघको सदस्य रहेको भन्दै बनेपा लगायतका स्थानमा नक्कली गरगहना बिक्री गर्दै हिँडेको पाइएको छ ।

प्रकाशित मिति: बिहीबार, साउन २६, २०७९ १३:०१

प्रतिक्रिया दिनुहोस्