सिटिजन्स बैंकको गजुरी र धार्केमा शाखा विस्तार

कर्पोरेट बजार

गृहपृष्ठ
कर्पोरेट बजार

सिटिजन्स बैंकको गजुरी र धार्केमा शाखा विस्तार

क्यापिटल नेपालबुधबार, असार ५, २०८१

काठमाडौं। सिटिजन्स बैंक इन्टरनेसनलले धादिङको गजुरी र धार्केमा शाखा विस्तार गरी कारोबार सञ्चालनमा ल्याएको छ। गजुरी र धार्केमा आज आयोजित कार्यक्रममा बैंकका प्रमुख कार्यकारी अधिकृत गणेशराज पोखरेलले नयाँ शाखा उद्घाटन गरेका हुन्।

सीईओ पोखरेलले गजुरी धार्के शाखाबाट स्थानीयलाई आधुनिक बैंकिङ सेवा उपलब्ध गराइने बताए।

कार्यक्रममा स्थानीय निकायका प्रतिनिधि, उद्योगी, व्यापारी, विभिन्न संघसंस्थाका प्रमुख तथा नागरिक समाजका अगुवा उपस्थित रहेको बैंकले जनाएको छ।

बैंकले नयाँ शाखा सञ्चालन अवसरमा ग्राहकले खाता खोल्दा कर्पाेरेट मोबाइल बैंकिङ, इन्टरनेट बैंकिङलगायत सेवा पहिलो वर्ष निःशुुल्क प्राप्त गर्न सकने बताए। डी(म्याट खाता खोल्दा लाग्ने शुल्कमा पहिलो वर्ष छुट दिइनेछ।

बैंकले गजुरीमा शाखा सञ्चालन अवसरमा संस्थागत सामाजिक उत्तरदायित्वअन्तर्गत गजुरी–१ आधामारा धादिङमा अवस्थित पत्तालिनी आधारभूत विद्यालयलाई कम्प्युटर सेट र प्रिन्टर उपलब्ध गराएको छ।

बैंकका सीईओ पोखरेलले सहयोगस्वरुप विद्यालयलाई कम्प्युटर सेट र प्रिन्टर हस्तान्तरण गरे। हाल बैंकले १९२ शाखा, १५५ एटीएम र ९८ शाखारहित इकाइबाट बैंकिङ सेवा दिँदै आएको छ।

प्रकाशित मिति: बुधबार, असार ५, २०८१ १५:२५

प्रतिक्रिया दिनुहोस्