आइएमई लाइफद्वारा वृक्षारोपण, सातौं वार्षिकोत्सवमा सातै कार्यक्रम सञ्चालन

कर्पोरेट बजार

गृहपृष्ठ
कर्पोरेट बजार

आइएमई लाइफद्वारा वृक्षारोपण, सातौं वार्षिकोत्सवमा सातै कार्यक्रम सञ्चालन

क्यापिटल नेपालसोमबार, साउन २८, २०८१

काठमाडौं। आइएमई लाइफ इन्स्योरेन्सले स्थापनाको सातौं वार्षिकोत्सव देशैभर विभिन्न कार्यक्रम आयोजना गरी सप्ताहव्यापी रुपमा मनाउने भएको छ। कम्पनीले वार्षिकोत्सव अवसरमा विभिन्न ७ कार्यक्रम आयोजना गर्न लागिएको जनाएको छ।

कम्पनीले साउन २७ देखि शनिबारसम्म वृक्षारोपण, बिमा साक्षरता, निःशुल्क स्वास्थ्य शिविर, रक्तदान, प्राकृतिक प्रकोपबाट प्रभावित क्षेत्रमा सामग्री वितरण, विद्यार्थीलाई शैक्षिक सामग्री हस्तान्तरण, स्यानिटरी प्याड भेन्डिङ मेसिन हस्तान्तरण, प्रभातफेरीलगायत कार्यक्रम सम्पन्न गरिने बताएको छ।

कार्यक्रमअन्तर्गत साउन २७ मा गण्डकी प्रदेशको पोखरा महानगर–३० स्थित ग्रीन पार्क, सुदूरपश्चिमको शुक्लाफाँटा नगरपालिका–९ स्थित बृन्दावन सामुदायिक वन, कर्णालीको सल्यानस्थित शारदा नगरपालिका–१ छाँपडाडा तथा लुम्बिनीको बाँकेस्थित कोहलपुर–८ स्थित शितलछाया सामुदायिक वनमा वृक्षारोपण आयोजना गरिएको कम्पनीले जनाएको छ।