उपकरण अभाव हुँदा ट्राफिक प्रहरीलाई काम गर्न कठिन

समाज

गृहपृष्ठ
समाज

उपकरण अभाव हुँदा ट्राफिक प्रहरीलाई काम गर्न कठिन

क्यापिटल नेपालमंगलबार, माघ १५, २०८१

काठमाडौं। सुनसरीमा लागु पदार्थ सेवन (लापसे) र मादक पदार्थ सेवन (मापसे) गरे नगरेको पत्ता लगाउन उपकरण अभावमा सुरक्षाकर्मीलाई काम गर्न कठिन भएको छ।

जिल्ला प्रहरी कार्यलयका प्रहरी उपरीक्षक सुमनकुमार तिमल्सिनाले जिल्लामा लापसे र मापसे गर्नेलाई कारवाही गर्न राजमार्ग सुरक्षा तथा ट्राफिक व्यवस्थापन कार्यालय, ट्राफिक प्रहरी र प्रहरी अस्पतालका स्वास्थ्यकर्मीसहितको टोलीले नियमित चाँज गरिरहेको बताए।

आर्थिक वर्ष २०८०/८१ को साउनदेखि पुससम्म मापसे गरी सवारीसाधन चलाउने ७३२ जना र लापसे गरी सवारीसाधन चलाउने ४३ जनालाई कारबाही गरिएको उनको भनाइ थियो।

सोही अवधिमा लापसे र मापसे गरी सवारीसाधन चलाउँदा ९ सवारी दुर्घटना भएका थिए। 'अधिकांशले भारतीय सीमा क्षेत्रमा गएर लापसे र मापसे गर्ने गरेको पाइएको छ,' प्रहरी उपरीक्षक तिमल्सिनाले भने। उनका अनुसार सो अवधिमा लापसे र मापसे गरेका व्यक्तिबाट चार लाखभन्दा बढी राजस्व असुली गरिएको छ।

'लापसे र मापसे गर्नेलाई निरुत्साहित गर्न सचेतना अभियान चलाएका छौँ,' उनले थपे।

प्रकाशित मिति: मंगलबार, माघ १५, २०८१ १९:२५

प्रतिक्रिया दिनुहोस्