सिप्रदी ट्रेडिङले जित्यो ७ उत्कृष्ट अवार्ड, इभी एक्सपान्सनमा विशेष कदर पत्र

अटो

गृहपृष्ठ
अटो

सिप्रदी ट्रेडिङले जित्यो ७ उत्कृष्ट अवार्ड, इभी एक्सपान्सनमा विशेष कदर पत्र

क्यापिटल नेपालबिहीबार, फागुन १५, २०८१

काठमाडौं। सिप्रदी ट्रेडिङ प्रालिले ७ उत्कृष्ट अवार्ड जितेको छ। टाटा मोटर्सको अन्तर्राष्ट्रिय व्यवसाय नेटवर्कलाई जोड्ने टाटा मोटर्स 'वन वर्ल्ड २०२४' मा कम्पनीले ७ उत्कृष्ट अवार्ड जितेको हो।

कम्पनीले पायोनियरिङ इभी एक्सपान्सनका लागि विशेष कदर पत्र प्राप्त गर्दै नेपालले शून्य(उत्सर्जन सवारीसाधन विस्तारमा अघि बढ्ने प्रतिबद्धता पुनः स्थापित गरेको छ।

मुख्य सेग्मेन्टमा निरन्तर उत्कृष्ट प्रदर्शन गरिरहेको सिप्रदीले नेपाललाई कमर्सियल सवारीसाधनका क्षेत्रमा महत्त्वपूर्ण भूमिका खेलेको छ। याे उपलब्धिमा ग्राहकको विश्वास, टिमको निरन्तर मिहिनेत र टाटा मोटर्सका विश्वसनीय उत्पादन रहेको कम्पनीका प्रमुख कार्यकारी अधिकृत राजनबाबु श्रेष्ठले बताए।

उनले भने, 'हामी ग्राहकलाई उच्च गुणस्तरीय सेवा र सुलभ सवारीसाधन उपलब्ध गराउन प्रतिबद्ध छौं। यी पुरस्कारले टिमको मिहिनेतलाई सम्मान गर्दै ग्राहकलाई अझ उत्कृष्ट अनुभव दिने प्रेरणा मिलेकाे छ।'

टाटा गाडी ग्राहकको पहिलो रोजाइमा परेको उल्लेख गर्दै उनले हरेक वर्ष आफ्नो स्थान बलियो बनाउँदै गएको जिकिर गरे।

प्रकाशित मिति: बिहीबार, फागुन १५, २०८१ १२:४९

प्रतिक्रिया दिनुहोस्