बल्ल पुग्यो गाउँमा बिजुली, स्थानीयबासी भए खुसी

पूर्वाधार

गृहपृष्ठ
पूर्वाधार

बल्ल पुग्यो गाउँमा बिजुली, स्थानीयबासी भए खुसी

क्यापिटल नेपालबुधबार, चैत २७, २०८१

नवलपरासी। नवलपुरको पहाडी गाउँपालिका बौदीकाली ५ ववकमा बल्ल बिजुली पुगेको छ। तारसहित खम्बा गाडेको लामो समयपछि गाउँमा बिजुली पुगेको हो।

पहिलोपटक बिजुली पुग्दा बासिन्दा खुसी भएका छन्। लामो समय अन्धकारमा बस्दै आएका उनीहरूले गाउँ उज्यालो हुने बौदीकाली ५ ववकका गेषबहादुर रानाले बताए।

बौदीकाली ५ ववकअन्तर्गत अर्खलाथर, चितौरेथर, लुङ्गेलीथर, बोझाजी, हर्वले, बेसारडाँडाका करिब दुई सय परिवार विद्युतबाट लाभान्वित हुने छन्। विद्युत् नपुग्दा टुकीको भरमा बस्नुपर्ने बाध्यता थियो।

बिजुली पुगेसँगै विकासका अन्य सम्भावनाका ढोका खुल्ने अपेक्षा गरिएको उनले बताए। अहिले विद्युत् मिटर जडानका लागि आवेदन दिएका घरमा मिटर जडानको काम भइरहेको छ।

उज्यालो बौदीकाली कार्यक्रमअन्तर्गत ववकमा बिजुली बालिएको बौदीकाली गाउँपालिकाका अध्यक्ष प्रकाश ओझाले बताएका थिए। पालिकाले उज्यालो बौदीकाली कार्यक्रममार्फत सर्भिस केवलमा लागत साझेदारी र मिटर बक्समा शतप्रतिशत अनुदान उपलब्ध गराएको उनले बताए।

गाउँपालिका भित्रका चार वडामा विद्युत् नपुगेको अवस्थामा वडा नम्बर ३ र ४ मा यसअघि विद्युतीकरण गरिएको अध्यक्ष ओझाले बताए।

प्रकाशित मिति: बुधबार, चैत २७, २०८१ १७:११

प्रतिक्रिया दिनुहोस्