साताको अन्तिम कारोबार दिन नेप्सेमा गिरावट, कारोबार रकम कति?

सेयर

गृहपृष्ठ
सेयर

साताको अन्तिम कारोबार दिन नेप्सेमा गिरावट, कारोबार रकम कति?

क्यापिटल नेपालबिहीबार, चैत २८, २०८१

काठमाडौं। साता अन्तिम कारोबार दिन आज नेपाल स्टक एक्सचेञ्ज (नेप्से)मा गिरावट आएको छ।

साताभरको चार कारोबार दिनमध्ये अघिल्ला दुई दिन गिरावट भएर बुधबार सम्हालिएको नेप्से आज ८.६० अंकले घटेको हो। योसँगै साता नेप्से २६६७.६८ विन्दुमा कायम भएको छ।

आज कारोबार भएकामध्ये ११३ कम्पनीको सेयर मूल्य बढेको छ। यस्तै, १३१ कम्पनीको सेयर मूल्यमा गिरावट आएको नेप्सेले जनाएको छ। एक कम्पनीको सेयर मूल्य स्थिर बसेको छ।

बिहीबार नेप्सेमा साढे ५ अर्ब अर्थात ५ अर्ब ६३ करोडभन्दा बढीको कारोबार भएको छ। यसअघि बुधबार साढे ४ अर्बको मात्रै कारोबार भएको थियो।

आज कारोबार भएकामध्ये दुई वटा कम्पनीको मूल्यमा सकारात्मक सर्किट लागेको छ। जसमा नेपाल माइक्रो इन्सुरेन्स कम्पनी लिमिटेड र क्रेस्ट माइक्रो लाइफ इन्सुरेन्स लिमिटेड रहेको छ।

नेपाल माइक्रो इन्सुरेन्स कम्पनीको मूल्य लगातार तेस्रो दिन सकारात्मक सर्किट लागेको हो। यो कम्पनीको सेयर मूल्य आज ९.९८ प्रतिशतले वृद्धि हुँदा क्रेस्ट माइक्रो कम्पनीको मूल्य पनि सोही प्रतिशतमा वृद्धि भएको छ।

आज सबैभन्दा बढी गुमाउने कम्पनीमा बोटलर्स नेपाल (बालाजु) लिमिटेड रहेको छ। यस कम्पनीको सेयर मूल्य ५.०५ प्रतिशतले गिरावट भएको हो। यस्तै, हिमालय पावर पाटर्नस लिमिटेड कम्पनीको सेयर मूल्य ३.०१ प्रतिशतले गिरावट आएको छ।

प्रकाशित मिति: बिहीबार, चैत २८, २०८१ १५:१४

प्रतिक्रिया दिनुहोस्