व्यापारीले हो व्यापार गर्ने, सरकारले होइनः सभापति देउवा

राजनीति

गृहपृष्ठ
राजनीति

व्यापारीले हो व्यापार गर्ने, सरकारले होइनः सभापति देउवा

क्यापिटल नेपालसोमबार, वैशाख १५, २०८२

काठमाडौं। नेपाली कांग्रेसका सभापति शेरबहादुर देउवाले व्यापारीले व्यापार गर्नुपर्ने भन्दै सरकारले व्यापार नगर्ने बताएका छन्। सोमबार काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन्।

उनले भने, ‘व्यापारीले व्यापार गर्ने हो,उद्योगपतिले उद्योग खोल्ने हो। सरकारले व्यापार उद्योग गर्ने होइन। त्यस कारण निजी संस्थान हुनुपर्छ भन्ने मान्यता नेपाली कांग्रेसको रहेको छ।’

यस्तै, उनले आर्थिक वर्ष ०८२/०८३ को बजेटले आर्थिक क्षेत्रलाई थप चलायमान बनाउने विश्वास व्यक्त गरेका छन्।

सभापति देउवाले चालु आवको बजेटले निजी क्षेत्रले उठाएका सवाललाई सम्बोधन गर्ने दाबी गरेका छन्। साथै, उनले निजी क्षेत्रसँगको संवादबाट आगामी आर्थिक वर्षको बजेट राम्रो बनाउन मद्दत पुग्ने उल्लेख गरे।

प्रकाशित मिति: सोमबार, वैशाख १५, २०८२ १२:५१

प्रतिक्रिया दिनुहोस्