गुणस्तरहीन निर्माण गरिएको भेटिएपछि भत्काइयो ग्वार्को फ्लाईओभर (तस्बिरहरु)

फोटो फिचर

गृहपृष्ठ
फोटो फिचर

गुणस्तरहीन निर्माण गरिएको भेटिएपछि भत्काइयो ग्वार्को फ्लाईओभर (तस्बिरहरु)सिमेन्टको पर्खाल लगाएर माटो भर्ने क्रममा पर्खाल आफैँ चर्किन थालेपछि गुणस्तर अनुसन्धान तथा विकास केन्द्रले भत्काउन लगाएर पुनःनिर्माण गर्न निर्देशन दिएको छ।

क्यापिटल नेपालशुक्रबार, चैत १, २०८१

काठमाडौं। ललितपुरको ग्वार्कोमा निर्माणाधीन देशकै पहिलो फ्लाइओभर निर्माण सम्पन्न हुने बेला भत्काइएको छ।करिब ८२ प्रतिशत काम सम्पन्न भइसकेको अवस्थामा गुणस्तरहीन निर्माण गरिएको भेटिएपछि प्रिकाष्ट प्यानल भत्काइएको हो।

सिमेन्टको पर्खाल लगाएर माटो भर्ने क्रममा पर्खाल आफैँ चर्किन थालेपछि गुणस्तर अनुसन्धान तथा विकास केन्द्रले भत्काउन लगाएर पुनःनिर्माण गर्न निर्देशन दिएको छ।

सडक विभागका महानिर्देशक रामहरि पोखरेलले निर्माण कम्पनीकै बदमासीको कारण समस्या आएकोले भत्काएको दाबी गरेका छन्। ‘अहिले भत्काएको संरचना पुनः बनाउनुपर्छ,’ महानिर्देशक पोखरेलले भने, ‘निर्माण कम्पनीले नै बेहोर्ने गरी काम गराउछौं।’

निर्माण सम्पन्न हुने बेला भत्काउनु पर्दा सर्वसाधारणलाई केही समय दुःख हुने बताउँदै गलत काम गरेकै कारण हालसम्म निर्माण व्यवसायीलाई सरकारले गर्नुपर्ने भुक्तानी नगरिएको उनले बताए। गलत डिजाइनको कारण भत्काउनु परेको हो वा निर्माण कम्पनीकै बदमासीको कारण समस्या आएको हो भन्ने खुल्न भने सकेको छैन। निर्माण व्यवसायी महासंघका एक पूर्वअध्यक्षका अनुसार इन्जिनियरहरुको गलत डिजाइनको कारण समस्या उत्पन्न भएको हो।

‘निर्माण व्यवसायीले डिजाइन अनुसार मात्र काम गरिएको हुन्छ,’ ती पूर्व अध्यक्षले भने, ‘यसमा कसको गल्ति होे भन्ने विषयको अध्ययन गर्न सरकारले तत्कालै छानविन समिति बनाउनु पर्छ, दोषीलाई कार्वाही गर्नुपर्छ।’